Sahifa yuklanmoqda . . .

Ruboiylar

Ruboiylar - Ruboiy sharq she’riyatida keng tarqalgan she’r turlaridan bo'lib, ularda shoirning hayot haqidagi teran mushohadalari, ichki kechinmalari, ibratli xulosalari va pand-nasihatlari ifodalanadi. Ushbu to'plamdan o'zbek mumtoz adabiyotining eng sara ruboiylari o'rin olgan.

Ketishdan qo’rqmaymen men bu dunyoda, Chunki u dunyoda umrim ziyoda, Vaqti yetgach, tanda omonat jonni Topshirayin – shunday bo’lgach iroda.

62
Xos ruboiy
Umar Xayyom
Behzod Muhammadkarimov

Sabab sahrosida kimki sargardon, Ishlarin uningsiz yuritar Yazdon, Bu kun bir bahona o’rtaga tashlab, Erta bajo bo’lur taqdiri osmon.

59
Xos ruboiy
Umar Xayyom
Behzod Muhammadkarimov

Qolipdan tushganda loyimiz azal, Fe’limizda bo’lsa har nechuk amal, Bo’la olurmidim men undan afzal, Azalda barchasi berilmish tugal?

64
Taronai ruboiy
Umar Xayyom
Behzod Muhammadkarimov

Falak arg’umog’in egarlagan kun, Yasatilganida Mushtariy, Parvin, Nasibamizni ham bitgandi qazo, Qismatimiz o’sha – bo’lma jigarxun.

64
Xos ruboiy
Umar Xayyom
Behzod Muhammadkarimov

Do’st-u yaqinlarim bir-bir ketdilar, Ajaldan tuproqqa kirib bitdilar, Umr majlisida ichdik bir quri, Avvalroq mast bo’lib bari yitdilar.

62
Xos ruboiy
Umar Xayyom
Behzod Muhammadkarimov

O’zni dono bilgan u uch-to’rt nodon Eshak tabiatin qilur namoyon. Bular suhbatida sen ham eshak bo’l, Bo’lmasa, kofir deb qilishar e’lon.

90
Xos ruboiy
Umar Xayyom
Behzod Muhammadkarimov

Zuhd ahlin riyoga etdilar mahkum, Tanani etdilar jonidan mahrum, Boshimga xo’rozning tojisi kabi Arra qo’ysalar-da men quyaman xum.

56
Xos ruboiy
Umar Xayyom
Behzod Muhammadkarimov

Senga ko’rsatsalar yasog’lik olam, Sen sevma – sevmaydi aqlli odam. Sendeklar bir talay keldi-yu ketdi, Seni olmay turib, olib qol sen ham.

64
Xos ruboiy
Umar Xayyom
Behzod Muhammadkarimov

Xushvaqt bo’l, g’ussaning cheki yo’q biron, Bu charx yulduzlarga soladi qiron, Sening tuprog’ingdan yasalgan g’ishtlar Bo’lar o’zgalarga manzil-u makon.

56
Xos ruboiy
Umar Xayyom
Behzod Muhammadkarimov

Derlar: “Shaharda gap qo’zg’alur oson, Aziz yorim fe’l-atvori yomon”, Yaxshi manbadan hech chiqmas rasvolik, Oxir yaxshi bo’lur, yashayver, nodon.

71
Xos ruboiy
Umar Xayyom
Behzod Muhammadkarimov

Ahil bo’lsa olov ichra ham inson, Ahil kishilarga olov ham oson, Noahil kishilar suhbatidan qoch, Noahil suhbati yomondan yomon.

65
Xos ruboiy
Umar Xayyom
Behzod Muhammadkarimov

Ishq majoziy esa, oftobi bo’lmas, Kul bosgan olovning hech tobi bo’lmas, Chin oshiqning esa kecha-yu kunduz Oy-u yillar ko’zda dam-xobi bo’lmas.

78
Xos ruboiy
Umar Xayyom
Behzod Muhammadkarimov

O’zgartirib bo’lmas ne bitmish qalam, Faqat dil xun bo’lur, tortaversang g’am, Butun umr jigar qonin yutsang ham, Umring uzaytirib bo’lmas biror dam.

64
Xos ruboiy
Umar Xayyom
Behzod Muhammadkarimov

Ortimdan tupurar menga zamonam, Chippakka chiqmoqda kori mardonam, Jon chiqa boshladi, nima gap desam, Dedi: “Netay, xarob bo’lmoqda xonam?”

55
Xos ruboiy
Umar Xayyom
Behzod Muhammadkarimov

O’lsam, tuprog’imni gum qiling, mayli, Mardumga ibrati shum qiling, mayli, Xokimni may bilan qorib, loy qilib, Xum boshiga g’isht yo xum qiling, mayli.

57
Xos ruboiy
Umar Xayyom
Behzod Muhammadkarimov

Aql saodatga intilib har goh, Senga kunda yuz bor deydiki, “Ey voh, Shodlik bilan o’tkaz tiriklik daming, Sensan – o’rgach qayta ko’karmas giyoh”.

62
Xos ruboiy
Umar Xayyom
Behzod Muhammadkarimov

Bu qabrdagilar bo’lmishlar tuproq, Zarra-zarra bo’lib yotishar tarqoq, Oh, bu qanday sharob ekan, uni ichganlar Qiyomatga qadar es-hushdan avloq?

68
Xos ruboiy
Umar Xayyom
Behzod Muhammadkarimov

Bir burchakda qotgan nonga qanoat, Istamadim undan ortiq hashamat, Jon-u dildan xarid etdim faqirlik, Faqirlikdan ortiq ko’rmadim davlat.

63
Xos ruboiy
Umar Xayyom
Behzod Muhammadkarimov

Namoz, ro’za dema, bo’lsa imkoning Kimsadan ayama bir luqma noning, Kishini ranjitma, g’iybatin qilma, Shundan senga boqar ikki jahoning.

69
Xos ruboiy
Umar Xayyom
Behzod Muhammadkarimov

Umring yuz yil bo’lsin-besh yuzmi – xazor, Bu ko’hna saroydan ketasen nochor, Oxiri qiymating bitta bo’ladi – Bozorda gado bo’l, taxtda shahriyor.

66
Xos ruboiy
Umar Xayyom
Behzod Muhammadkarimov

Tiriklikdan nima g’aming bor, ey yor? Behuda fikrdan dil-jonda ozor, Quvnoq yashagil-u umring shod o’tkaz, Taqdir qo’lingdamas, nima chorang bor?

64
Xos ruboiy
Umar Xayyom
Behzod Muhammadkarimov

Olam gardishidan o’z bahrangni ol, Shodlik taxtiga min – qo’lda may halol, Boysunsang-sunmasang xudo zor emas, Olamda baxtingni o’rinlatib qol.

47
Xos ruboiy
Umar Xayyom
Behzod Muhammadkarimov

Jahon haqiqati majozdir, ey dil, Behudaga ranj-u anduh chekmagil, Qazoga taslim bo’l, ko’p-oziga ko’n, Qazo qalambarin o’zgarmas deb bil.

74
Xos ruboiy
Umar Xayyom
Behzod Muhammadkarimov

Deding: “Haqiqat ne? Nimadir odam?” So’zlasam, cho’zilib ketadir qissam, Haq uni undirib daryo qa’ridan, Qa’riga otadi yashatmay bir dam.

72
Xos ruboiy
Umar Xayyom
Behzod Muhammadkarimov