Bu asarda ko’pchilikning ruhiyatini g’oyat puxta bilgan, uning adoqsiz
tashvishlarini deb ozurdajon bo’lgan shaxsning kayfiyati katta mahorat bilan
bo’rttirib ko’rsatilgan. Matla’ning o’zi ruhiy dramatizm ifodasi, mazmun teranligi,
badiiy garmoniyaning qudrati jihatidan tugallangan bir asarday taassurot qoldiradi.
Ehtimol, elning nazarida komil shaxs bo’lib tuyulgan shoir o’ziga talabchanlik
bilan qarab, tabiatidagi sifatlarni tanqidiy nuqtayi nazar bilan taftish qilish
oqibatida ushbu g’azal bitilgandir…