Sahifa yuklanmoqda . . .
Audio bu yerda yuklanmadi, iltimos ushbu aloqani bosing
Bahor toshqinidek maysa mavj urar,
Cheksiz yaylovlarda, yonbag'irlarda.
Tovushsiz ko'k sharpa jahon bo'ylab yurar,
Chaqmoq, jazirama, do'l, yomg'irlarda.
Chashma ko'zlariga bo'ladi kiprik,
Bosh turtib chiqadi darz ketsa qoya.
Darrov ko'karadi kamqatnov ko'prik,
Unutilsa so'qmoq yo pillapoya.
Bomba o'pqonlarin ko'zdan yashirar,
Yong'inlar ketidan bosar izma-iz.
Bir kaft tuproq bo'lsa, hayot nish urar,
U tugamas, u mangu, cheksiz...
Roman, qissa, hikoyalari va she’riyati o’zining falsafiy teranligi, yoqimli badiiy mavjlari bilan o’quvchini rom etadi. «Opa-singillar», «Tug’ilish», «Davr mening taqdirimda», «Chinor», «Amu», «Jar yoqasida chaqmoq», «Buxoroning jin ko’chalari» singari yirik nasriy asarlari elga manzur. Adib yangicha mazmuniy va shakliy izlanishlarining samaralari bilan ham o’zbek adabiyoti tarixida o’ziga xos iz qoldirdi.