Ko’z yoshim tuproq ila gar qotila...

Ko’z yoshim tuproq ila gar qotila,

Kelmagayman javridin, haqqo, tila.

G’amzasi o’ltirdi-yu, ul bexabar,

Men agar o’lsam, ne g’am ul qotila.

Ma'lumot

2017, 02-Yanvarda yuklangan

175 marta ko'rildi

3 kishi kutubxonasiga qo'shdi

Tayanch tushunchalar:
ko'z yosh tuproq qotil javr haq tilak g'amza g'am

Muallif

Lutfiy

(1366-1465) XV asr ikkinchi yarmigacha bo‘lgan o‘zbek adabiyotining eng mashhur lirik shoiri. Shuning uchun ham zamonasining ahli adabi va ahli fuzalosi uni «malik ul-kalom», ya’ni «so‘z podshosi» deb e’zozlagan. Manbalarda taxallusi oldidan «ulug‘ ustod» ma’nosidagi «Mavlono» sifatining qo‘shib tilga olinishi ham shundan. Obro‘yi va shuhrati shu darajaga yetgan ediki, Alisher Navoiy uni o‘zining ustozlaridan biri deb biladi. Buni shoirlar haqidagi «Majolis un-nafois» tazkirasidagi shu ulug‘ shoir haqida aytilgan quyidagi iliq so‘zlar ham isbotlaydi: «Mavlono Lutfiy o‘z zamonasining malik ul-kalomi erdi, forsiy va turkiyda naziri yo‘q erdi va turkcha devoni mashhurdur».

Batafsil