Sahifa yuklanmoqda . . .


Tilla uzuk

Ey qaldirg‘och qoshligim,

Kel, ahdimiz bir bo‘lsin.

Uchta odam bilgan gap

Qanday qilib sir bo‘lsin?

 

Tilla uzukka tilla

Ko‘z bo‘lmaydi hech qachon.

Qiz bolaga qiz bola

Do‘st bo‘lmaydi hech qachon.

 

Bordir saroy qurganlar,

Bordir davron surganlar.

Bormi bizdek bir tushni 

Birgalashib ko‘rganlar?

 

Bitta qizga bir yigit

Tilla uzuk taqibdi.

Bitta dushman yigitga,

Qizga qirqta raqibdir.

 

Tilla uzukka tilla

Ko‘z bo‘lmaydi hech qachon.

Qiz bolaga qiz bola

Do‘st bo‘lmaydi hech qachon.

 

Xayolingni dugonang

Buzganini bilmaysan.

Yonginangdan menga ko‘z 

Suzganini bilmaysan.

 

2002


Ushbu she'rni nechta yulduzcha bilan baholaysiz?


Ma'lumot
11-Iyulda yuklangan

117 marta ko'rildi

0 kishi kutubxonasiga qo'shdi


Tayanch tushunchalar:
qaldirg'och qosh ahd odam gap sir
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari