Sahifa yuklanmoqda . . .


Aldarko'sa va boy

(O'zbek xalq ertagi)

Bir kuni Aldarko‘sa yo‘lda ketayotsa, uning oldidan boy chiqib qolibdi. U Aldarko‘saga:
— Hoy Aldarko‘sa, qani meni bir aldab ko‘r-chi, qo‘lingdan kelarmikan? — debdi. Aldarko‘sa qarasa boy juda takabbur ko‘rinadi. Aldarko‘sa «buni qanday qilib aldasam ekan, quruq aldasammikan yoki ho‘l aldasammikan», deb o‘ylanib turibdi-da:
— Boy ota, aldar edimu hozir kayfim yo‘qroq, — debdi.
— Nega kayfing yo‘q? — debdi boy.
— Bir odamdan uch tanga olgan edim, shu ta’bimni xira qildi.
— Mana, senga yeb ketarga uch tanga. Qani, endi aldab qo‘yasanmi? — deb boy unga pul tutqazibdi.
— Rahmat sizga, boy ota, men mana bu pulni haligi nokastaga berib, kelishda aldar xaltamni olib kelaman. Ana undan keyin hangomani ko‘rasiz, — deb Aldarko‘sa jo‘nab ketibdi.
Boy uni yetti xuftongacha kutibdi, kelmabdi. Shundan keyingina aldanganini bilibdi.


Ushbu hajviy ertakni nechta yulduzcha bilan baholaysiz?


Ma'lumot
2016, 31-Dekabrda yuklangan

75 marta ko'rildi

0 kishi kutubxonasiga qo'shdi


Tayanch tushunchalar:
aldarko'sa boy yo'l kayf tanga o'y odam ta'b pul xalta hangoma xufton
Muallif
Xalq og'zaki ijodi

Xalq og'zaki ijodi

Batafsil


Yangi Hajviy ertaklar Xalq og'zaki ijodi Hajviy ertaklari Xalq og'zaki ijodi asarlari