Sahifa yuklanmoqda . . .
To‘rtburchak dunyoni devorga osdim.
(Deraza... Tashqari... —suratdan kammi?)
Va seni sog‘indim... Nimadir yozdim...
Evoh, Dilga yaqin keltirdim g‘amni.
Chirmashdi qorlarning ipi chinorga
(Deraza... Tashqari... —bu surat — tirik),
To‘rt burchak dunyoni osdim devorga —
Nahot, sen o‘tmaysan suratdan yurib?
Pardani bir siltab (yurak umidvor),
To‘rt burchak dunyoni devorga osdim...
Sen ketgan yo‘llarni bosdi oppoq qor,
Sen qaytmas yo‘llarni oppoq qor bosdi.
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).