Sahifa yuklanmoqda . . .


Na'matak

Nafis chayqaladi bir tup na’matak

Yuksakda, shamolning belanchagida.

Quyoshga ko‘tarib bir savat oq gul,

Viqor-la o‘shshaygan qoya labida

 

Nafis chayqaladi bir tup na’matak...

Mayin raqsiga hech qoniqmas ko‘ngil,

Vahshiy toshlarga ham u berar fusun.

So‘nmaydi yuzida yorqin tabassum,

 

Yanoqlarni tutib oltin bo‘sa-chun

Quyoshga tutadi bir savat oq gul!

Poyida yig‘laydi kumush qor yum-yum.

Nafis chayqaladi bir tup na’matak...

 

Shamol injularni separ chashmadak,

Boshida bir savat oq yulduz — chechak,

Nozik salomlari naqadar ma’sum!

Tog‘lar havosining feruzasidan

 

Mayin tovlanadi butun niholi.

Vahshiy qoyalarning ajib ijodi:

Yuksakda raqs etar bir tup na’matak,

Quyoshga bir savat gul tutib xursand!


Online dars - zoom, google meet orqali

Ma'lumot
2016, 23-Dekabrda yuklangan

4248 marta ko'rildi

10 kishi kutubxonasiga qo'shdi


Tayanch tushunchalar:
na'matak tup oq quyosh nafis gul mayin vahshiy
Muallif
Muso Toshmuhammad o'g'li Oybek

Muso Toshmuhammad o'g'li Oybek

Oybek shoir, adib va adabiy harakatning rahbari sifatida XX asr o‘zbek adabiyoti taraqqiyotiga bebaho hissa qo‘shdi. U adabiyotimizni turli janr va shakldagi asarlar bilan boyitibgina qolmay, Cho‘lpon va Abdulla Qodiriylar ijodi tufayli shakllangan adabiy tilimizga yanada sayqal berdi. Eng muhimi, Cho‘lponlar qatag‘on etilgan, hatto ularning buyuk asarlarini o‘qish mumkin bo‘lmagan davrlarda Oybek o‘zining ijodiy izlanishlari va badiiy tajribalari bilan kelgusi adabiy avlodlarga mash’al o‘laroq, badiiy ijodning munavvar yo‘llarini yoritib turdi.

Batafsil


Yangi She'rlar Muso Toshmuhammad o'g'li Oybek She'rlari Muso Toshmuhammad o'g'li Oybek asarlari