Sahifa yuklanmoqda . . .
Sen bor, men bor, demak, dunyo bor,
Yerning ikki qutubi kabi.
Demak, shunday taqdiri azal,
Demak, shunday umr daftari.
Qayda bo‘lsang, men qarshingdaman,
Qayda bo‘lsam, sen qarshi tomon.
Demak, shunday sevasan, erkam,
Demak, shunday, sevaman, ishon!
Yomg‘ir bo‘lding, to‘kilding, toshding,
Olovlarga aylanib yondim.
To‘zonlarni uchirib shoshding,
Qoyalarga mengzalib toldim.
Chaqmoq kabi qarsilladi goh
Biz to‘qnashgan yo‘llar sarhadi.
Demak, shudir muhabbat asli,
Demak, shudir hayot matlabi.
O’zbekiston Milliy universiteti falsafa fakulteti bakalavr va magistratura bosqichlarida tahsil olgan. “Ostona” va “Shoir xayollari” she’riy to’plamlari muallifi. Somerset Moem, S.A.Tolstaya, O.Genri, R.Agutagava ijodidan qilgan tarjimalari e’lon qilingan.