Sahifa yuklanmoqda . . .


Xato qildim, sevgilim

Xato qildim, sevgilim,

Xato qildim beomon.

Yo‘q endi borar yo‘lim,

Bog‘imda so‘ldi gulim,

Bag‘riga to‘ldi xazon.

 

Xato qildim, sevgilim,

Xato qildim bilmasdan,

Qani yutilsa tilim,

Qaltirab turar qo‘lim

Jigarimni yulmasdan.

 

Xato qildim, sevgilim,

Xato qildim bilmasdan,

Men suyib xato qildim,

Men kuyib xato qildim,

O‘lib xato qilmasman...

 

Xato qildim, sevgilim...

1978


Ushbu she'rni nechta yulduzcha bilan baholaysiz?


Ma'lumot
2017, 21-Martda yuklangan

230 marta ko'rildi

0 kishi kutubxonasiga qo'shdi


Tayanch tushunchalar:
xato sevgi muhabbat omon yo'l bog' gul bag'ri xazon til qo'l jigar bilim o'lim
Muallif
Rauf Parfi O'zturk

Rauf Parfi O'zturk

O'zbek milliy modern she'riyatining asoschilaridan biri va eng yirik vakili. Birinchi she’ri 1957-yilda e’lon qilingan. „Karvon yo’li“ (1968), „Aks-sado“ (1970), „Tasvir“ (1973), „Xotirot“ (1974), „Ko’zlar“ (1976), „Qaytish“ (1981), „Sabr daraxti“ (1986), „Sukunat“ (1991), „Tavba“ (2001) she’riy to’plamlari nashr etilgan. Rauf Parfi lirik qahramon ruhiy olamining nozik evrilishlarini mahorat bilan tasvir etuvchi she’rlari bilan tanilgan. Shoir so’zning rang va ohanglaridan, she’riy tasvir vositalaridan o’ziga xos uslubda foydalanadi. She’rlari bir necha xorijiy tillarga tarjima qilingan. Rauf Parfi Bayronning „Manfred“, Nozim Hikmatning „Inson manzaralari“, Mahmud Hodiyning «Ozodlik lavhalari» («Alvohi intiboh»), Karlo Kaladzening „Dengiz xayoli“, A. Dyumaning «Uch sarboz» va boshqa jahon she’riyati klassiklarining asarlarini o’zbek tiliga tarjima qilgan.

Batafsil


Yangi She'rlar Rauf Parfi O'zturk She'rlari Rauf Parfi O'zturk asarlari