Sahifa yuklanmoqda . . .


Eng gullagan yoshlik chog'imda

Eng gullagan yoshlik chog'imda,

Sen ochilding ko'ngil bog'imda.

 

Shunda ko'rdi ko'zim bahorni,

Shunda qalbim tanidi yorni.

 

Qushlar sayrar jonimga payvast,

Men sevgining bo'yi bilan mast.

 

Kuni bilan dalada qoldim,

Lolazorlar ichra yo'qoldim.

 

Quchoq-quchoq gullar terganim

Va keltirib senga berganim

 

Kechagiday hamon esimda,

Har soniya, har on esimda.

 

Shundan beri tilimda oting,

Shundan beri dilimda oting.

 

Eng gullagan yoshlik chog'imda,

Sen ochilding ko'ngil bog'imda.


Online dars - zoom, google meet orqali

Ma'lumot
2017, 24-Sentabrda yuklangan

2419 marta ko'rildi

4 kishi kutubxonasiga qo'shdi


Tayanch tushunchalar:
yoshlik ko'ngil gul bahor qushlar lolazor
Muallif
Hamid Olimjon

Hamid Olimjon

Iste’dodli shoir, dramaturg, olim va jamoat arbobi Hamid Olimjon 1909 yil 12 dekabrda Jizzax shahrida dunyoga keldi. Narimonov nomidagi boshlang‘ich maktabni tugatgach, Samarqand pedagogika bilim yurtida (1923—1926), so‘ng Pedakademiyada (1926— 1931) o‘qidi. Hamid Olimjon talabalik yillaridayoq she’riyatga qiziqdi. Uning asarlari 1926 yildan «Zarafshon» gazetasida chiqa boshladi. 1927 yilda shoir mazkur ro‘znoma muharririyatiga ishga o‘tdi. Hamid Olimjonning «Ko‘klam» nomli ilk she’riy to‘plami 1929 yilda bosilib chiqdi. Shundan so‘ng «Olov sochlar» (1931), «O‘lim yovga» (1932), «Poyga» (1932) kabi she’riy to‘plamlari nashr etildi.

Batafsil


Yangi She'rlar Hamid Olimjon She'rlari Hamid Olimjon asarlari