Sahifa yuklanmoqda . . .
Xiyonatning yuzi chiroyli,
Lablarida mayin tabassum,
So‘zlari ham samimiy —
Ayni
Sadoqatday kamtar, kamsuqum.
O‘larimda
Kelar xiyonat,
Mehr kabi qiynar o‘zini.
Xo‘rsingancha —
Do‘stday beminnat —
Yumib qo‘yar ochiq ko‘zimni.
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).