Sahifa yuklanmoqda . . .
Erta-indin yelar izg‘irin,
Yiqiladi bog‘larga tuman.
Anglagani yashashning sirin
So‘zlashaman yomg‘irlar bilan.
Mast-u alast, beg‘am do‘st-u yor.
Toliqtirar qalbimni manim.
Shunda birdan bo‘ladi oshkor
Yolg‘izlardan yolg‘iz ekanim.
Derazaga ho‘l bag‘rin bosib,
Kuzak tuni surganda xayol -
Men eng go‘zal she’rimni yozib,
Sizni eslab yig‘lashim ayon.
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).