Sahifa yuklanmoqda . . .


G‘iybatchilar, xormanglar!

Salom bering va lekin

Yaqiniga bormanglar.

Assalomu alaykum,

G‘iybatchilar, xormanglar!

 

Erkaksifat xotinlar,

Xotinsifat erkaklar.

Xabari yo‘q o‘zidan,

Ko‘ringanni ermaklar.

 

To‘qiyvering gap-to‘rlar,

O‘zingizdan ortmanglar.

Assalomu alaykum,

G‘iybatchilar, xormanglar!

 

Pismiqlar, muloyimlar,

Ay, siz irkit jo‘jalar,

Ay, bekorchioyimlar,

Ay, bekorchixo‘jalar!

 

Menga qolsa barini

Birma-bir bosar edim.

Kattaroq bir asbobga

Tilidan osar edim.

 

Zamon ko‘tarmas lekin

Mayli, yaqin bormanglar.

Assalomu alaykum,

G‘iybatchilar, xormanglar!

 

2005


Online dars - zoom, google meet orqali

Ma'lumot
2017, 14-Sentabrda yuklangan

164 marta ko'rildi

3 kishi kutubxonasiga qo'shdi


Tayanch tushunchalar:
zamon g'iybat salom pismiq til
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari