Sahifa yuklanmoqda . . .
Shoshilib-shoshilmay oyoq qo‘yamiz,
Baland binolarga boqib odatda.
Zinalarni bosib ko‘tarilamiz,
Hayotda, ilmda, adabiyotda.
Har tong yo‘limizda uzun zinalar,
Har kech qadamimiz ostida yana.
Nafaqat bitondan, toshdan, taxtadan,
Hattoki odamlar bo‘ladi zina.
Yuksak-yuksaklarni ko‘zlaydi yurak,
Faqat yuksaklarda omad bilinar.
Har vaqt yuqoriga eltmaydi, ba'zan
Pastga ham kuzatib qo‘yar zinalar.
Shoshilib-shoshilmay oyoq qo‘yamiz,
Baland binolarga boqib odatda.
Zinalarni bosib ko‘tarilamiz,
Hayotda, ilmda, adabiyotda.
O’zbekiston Milliy universiteti falsafa fakulteti bakalavr va magistratura bosqichlarida tahsil olgan. “Ostona” va “Shoir xayollari” she’riy to’plamlari muallifi. Somerset Moem, S.A.Tolstaya, O.Genri, R.Agutagava ijodidan qilgan tarjimalari e’lon qilingan.