Sahifa yuklanmoqda . . .
Yomon bo‘ldi.
Bizlar ajraldik...
Yer aylanyapti quyoshi atrofida,
Yulduzlar samosida porlayapti.
Gullar shabbodaning quchog‘ida
Labini tutyapti to‘lqin lablariga;
Maysalar o‘smoqda adirlarida
Shamolda to‘lg‘anib-to‘lg‘anib...
Faqat bizlar ajraldik.
Quyoshsiz qolgan zamin kabi,
Samosiz qolgan yulduz kabi,
Shabbodasiz qolgan gullar kabi —
Yolg‘izmiz.
Yomon bo‘ldi.
Bizlar ajraldik...
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).