Sahifa yuklanmoqda . . .
Bu dunyodan ketganimmi, Bu dunyoga qaytganim, Tillarimdan to‘kilgan so‘z — Boychechakning aytgani. Xazonrezli boqqa boqib, Yoshga to‘lar ko‘zlarim — Nahot, g‘amgin bu qo‘shig‘im Xazonlarning so‘zlari. Anglayapman: hayot — buyuk, O‘lim — dahshatli narsa... Bu hikmatni men topdimmi, Senmi, sarg‘aygan maysa? Yorab, qay kun bargday yashnoq, Umrimni qafas bildim. Qaro tuproq ostidagi Ildizni havas bildim...
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).