Sahifa yuklanmoqda . . .


Suvpari

Seni hech kim sevolmaydi meningdek:

Vaslingga zor bu oshiqlar, ehtimol,

Poyingga tiz cho`kib yig`lar, ehtimol,

Lekin sodiq bo`lolmaydi meningdek!..

 

Aldanma yor, aldamchilar makriga,

Malak bo`lma bevafo ishq shahriga,

Ular seni bir bossa bas bag`riga,

Seni hech kim sevolmaydi meningdek.

 

Yo`ling kesib o`tsam — o`zim hijolat,

Uzoqdan bir seni ko`rsam kifoyat,

Bir nigohing o`zi menga inoyat,

Seni hech kim sevolmaydi meningdek.

 

Joningga jon bo`lmayman-u, sevaman,

Yoningga bir kelmayman-u, sevaman,

Ismingni ham bilmayman-u, sevaman,

Seni hech kim sevolmaydi meningdek.

 

Sen ko`kdagi harir ko`ylak, hur-pari,

Ko`k ko`ldagi tinib qolgan suvpari.

Muhammadning ko`nglidagi dilbari,

Seni hech kim sevolmaydi meningdek.


Online dars - zoom, google meet orqali

Ma'lumot
2022, 18-Aprelda yuklangan

87 marta ko'rildi

1 kishi kutubxonasiga qo'shdi


Tayanch tushunchalar:
suv pari sevgi xasl oshiq sadoqat makr ishq
Muallif
Muhammad Yusuf

Muhammad Yusuf

Sodda va xalqona tilda bitilgan samimiy she'rlari bilan millionlab muxlislar qalbini zabt etgan shoir. Uning millat va yurt istiqloli sharafiga bitgan go‘zal she’rlari o‘ziga xosligi bilano'quvchilar qalbida aks sado berdi. Muhammad Yusuf ijodi keyingi davr o‘zbek qo‘shiqchiligi rivojida muhim o‘rin tutadi. Milliy san’atimizning eng yirik va iste’dodli vakillaridan tortib, havaskor qo‘shiqchilargacha shoir she’rlarini kuyga soladilar.

Batafsil


Yangi She'rlar Muhammad Yusuf She'rlari Muhammad Yusuf asarlari