Sahifa yuklanmoqda . . .
Sokin sehr anhor bo‘yida.
Horg‘in Layli — kuz kezar behush.
Men xazonni quvdim o‘yimdan,
Baxt haqida ko‘rdim yashil tush.
Ha, sarobga o‘zni topshirdim,
Sezdim qismat yovuqligini
Va kaftimda his qilib turdim
Qo‘llaringning sovuqligini.
Tasallilar so‘ylading karaxt,
Mayin kuylab ko‘rgazding karam:
— Tushingga ham qaytib kirmas baxt,
Uyg‘onmagin, mening bechoram...
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).