Sahifa yuklanmoqda . . .
Senga kelish nima?
Ketishday oson.
Senga yo‘qotishlar — topishday bir gap.
Sen dunyoni ko‘rmay yashaysan mudom,
Yashaysan daraxtday his qilib, ilg‘ab.
Qalbingdan fojelar zumda o‘chadi,
Yangi g‘ussalarni quchasan shodon.
Bebaxtliging baxtday sendan kechadi —
Al’omon,
O‘zingdan, jonim, al’omon!
Seni to‘fonlarning o‘zi asrasin,
Sendan yiroq qochsin qismat dudlari.
Yulishta ayamay qutlar tashlasin,
Qo‘li ochiq kelsin umring hutlarin.
Senga ketish nima?
Xayr-xo‘sh... Tamom...
Men ham omon qolay —
Bir najot bergin.
Nima u boshimga otganing?
Osmon...
To‘xta! Olib ketma poyimdan yerni.
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).