Sahifa yuklanmoqda . . .


Qalbning qizil gulxani

Qalbning qizil gulxani so`ldi,

Kultepada qolmadi bir cho`g`,

Bu qiz bilan ishim yo`q endi,

Bu qizning men bilan ishi yo`q...

 

Endi menga ikki dunyo bir,

Sig`mam na yer, na osmoniga.

Tomga chiqib ketarman endi,

Men ham qizg`aldoqlar yoniga.

 

Hey, yulduzlar yurtida chaman,

Bulutman deb yurgan tutunlar

Ko`ksim yonib ketmoqda yomon.

Mendan nariroqdan o`tinglar!

 

Qalbda sevgi gulshani so`ldi,

Qoldi faqat lovullagan cho`g`.

Bu qiz bilan ishim yo`q endi,

Bu qizning men bilan ishi yo`q...

 

Kel yuragim, bag`rimni o`yib,

Sevgimni suvlarga otamiz.

Maysalarga boshimni qo`yib,

Kapalak yopinib yotamiz.

 


Online dars - zoom, google meet orqali

Ma'lumot
2022, 19-Aprelda yuklangan

631 marta ko'rildi

0 kishi kutubxonasiga qo'shdi


Tayanch tushunchalar:
qalb gulxan sevgi muhabbat yigit qiz dunyo hayot
Muallif
Muhammad Yusuf

Muhammad Yusuf

Sodda va xalqona tilda bitilgan samimiy she'rlari bilan millionlab muxlislar qalbini zabt etgan shoir. Uning millat va yurt istiqloli sharafiga bitgan go‘zal she’rlari o‘ziga xosligi bilano'quvchilar qalbida aks sado berdi. Muhammad Yusuf ijodi keyingi davr o‘zbek qo‘shiqchiligi rivojida muhim o‘rin tutadi. Milliy san’atimizning eng yirik va iste’dodli vakillaridan tortib, havaskor qo‘shiqchilargacha shoir she’rlarini kuyga soladilar.

Batafsil


Yangi She'rlar Muhammad Yusuf She'rlari Muhammad Yusuf asarlari