Sahifa yuklanmoqda . . .
Jon jonimga singib ketgan,
Qon qonimga tinib ketgan,
Zamin zari bo'lib turgan,
Ona tuproq muqaddassan,
Sen azizsan mo'tabarsan.
Gullayversang shoddir ko'nglim,
Porlayversang yashnar dilim,
Senda yashar o'g'il qizim,
Ona tuproq muqaddassan,
Sen azizsan mo'tabarsan,
Osmon quchgan tog'lar bisyor,
Adirlaring gul lolazor,
Har tarafingdir chamanzor,
Ona tuproq muqaddassan,
Sen azizsan mo'tabarsan.
Jannatmakon diyor o'zing,
Olam ichra tanho o'zing,
Ardoqlagay o'g'il qizing,
Ona tuproq muqaddassan,
Sen azizsan mo'tabarsan.
Feruz Kamol 1993-yil 3-mayda Buhoro viloyatining Shofirkon tumanida tug'ilgan. Ijodkorning ma'lumoti o'rta. Hozirda yosh shoirning bir nechta she'rlarini e'tiboringizga havola etamiz. Yosh ijodkorga esa o'z ustida yanada ishlashni tilab qolamiz.