Sahifa yuklanmoqda . . .


O'lan

To`ylarni hammadan ham,

Oy qizlar xush ko`rarmish.

Bitta qiz erga tegsa,

Qirqta qiz tush ko`rarmish.

 

To`yhovlida kuy tinib,

So`nganida olovlar.

Qirq suluvni yig`latib,

Ketar ekan kuyovlar.

 

Singillarim yig`lamang,

Yig`lasangiz xafaman.

Sharqni kezib sizlarga,

O`zim kuyov topaman.

 

Oq tilaklar bor bo`lsa,

Omon bo`lsa umidlar,

Izingizga zor bo`lar,

Muhammaddek yigitlar.


Online dars - zoom, google meet orqali

Ma'lumot
2022, 19-Aprelda yuklangan

113 marta ko'rildi

0 kishi kutubxonasiga qo'shdi


Tayanch tushunchalar:
to'y yigit qiz kelin kuyov baxt
Muallif
Muhammad Yusuf

Muhammad Yusuf

Sodda va xalqona tilda bitilgan samimiy she'rlari bilan millionlab muxlislar qalbini zabt etgan shoir. Uning millat va yurt istiqloli sharafiga bitgan go‘zal she’rlari o‘ziga xosligi bilano'quvchilar qalbida aks sado berdi. Muhammad Yusuf ijodi keyingi davr o‘zbek qo‘shiqchiligi rivojida muhim o‘rin tutadi. Milliy san’atimizning eng yirik va iste’dodli vakillaridan tortib, havaskor qo‘shiqchilargacha shoir she’rlarini kuyga soladilar.

Batafsil


Yangi She'rlar Muhammad Yusuf She'rlari Muhammad Yusuf asarlari