Iste'dodli shoir va jurnalist Nodir Jonuzoqov 1976-yilning 14-martida Samarqand viloyatining Bulung‘ur tumanidagi “Kildon” fuqarolar yig’iniga qarashli Sartyuzi qishlog'ida tug‘ilgan. She'riyatga ixlos uning qalbida juda erta uyg'ongan. Ilk ijod namunalarini 12-13 yoshlarida qoralagan. Yillar o'tgan sari uning ijodida katta o'sish kuzatildi. Nodir Jonuzoq she'rlarida kundalik hayotimizda uchraydigan va biz ko'p hollarda e'tibor beravermaydigan holatlar va ular orqali yuzaga keluvchi hislar badiiy ifodasini topgan.