Sahifa yuklanmoqda . . .
Ko‘zlarini ochib-yumar
Mitti qushcha - yarador.
Falak, unga najot yubor,
O‘lim, bo‘lma xaridor.
So‘ngga «oh»i - «chiriq-chiriq»
Jon bermoqda kaftimda.
Qushim,
So‘ng bor orom olgin,
Qo‘llarimning taftida.
Xazonlarga ko‘mdim uni...
Qoldim o‘zim yarador!
Falak, menga najot berma,
Olamdan bo‘l xabardor...
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).