Sahifa yuklanmoqda . . .
Bir qishloqda yashaydi o‘glon,
Oddiygina dehqonning o‘gli.
U boqadi olamga hayron,
Nelargadir to‘ladi ko‘ngli.
U boqadi zangor osmonga,
Bir zumgina qoladi qotib.
Zangor osmon dehqon o‘g‘longa
Nimanidir qiladi tortiq.
Ma’ragancha qirlarda qo‘zi,
Dikir-dikir yugurgani on,
Ne uchundir lovullar ko‘zi
Titroq ichra qoladi o‘g‘lon.
U quvonchdan hayqirar, ba’zan
Sharsharalar aqlini olar.
Nimanidir sharshara birdan —
Jajjigina yurakka solar.
Nasib bo‘lsa o‘sha "nimadir"
Jajji qalbda boshlar talvasa,
Tug‘iladi shunda bir shoir,
She’r misoli yuragi toza.
O’zbekiston xalq shoiri (2000). ToshDUning jurnalistika fakultetini tugatgan (1972). Ilk kitobi — «Insonni tushunish» (1979). «Holat» (1979), «Oqibat» (1980), «Ko‘zgu» (1983), «Surat parchalari» (1985), «Dars» (1985), «Ikkinchi aprel» (1987), «Baxshiyona» (1989), «G’aroyib ajdarho» (1990), «Uyg‘onish azobi» (1991), «G’ussa» (1994), «Uzun tun» (1994), «Saylanma» (1995), «Kuz» (2001) kabi she’riy va «Jodu» (2003) nasriy to‘plamlari nashr etilgan. Dramalar ham yozgan («Bir qadam yo‘l». 1997; «Alpomishning kaytishi», 1998 va boshqa).