Sahifa yuklanmoqda . . .


Zulfiya

«Zulfiyaga qarama,

Naq enangni ko‘rasan!

Meni yaxshi ko‘radi,

So‘ra, kimdan so‘rasang!»

Kaltak yerdi Abdulla,

Kaltak yeb ham qaytmasdi.

– Ol-e, o‘sha Zulpini,

Kerakmas! – deb aytmasdi.

 

Aqlli qiz Zulfiya,

Hammasini biladi:

Menga ko‘zi tushganda

Miyig‘ida kuladi,

Darslar kirmas quloqqa,

Samolarda xayolim:

Zulfiyaning qo‘llari

Ipakdayin muloyim...

Kitobimning ichida

Jilmayadi suvrati.

Meni yaxshi ko‘radi,

Meni yaxshi ko‘radi...

 

... Yillar o‘tdi, Abdulla,

Hayot bizdan kuldi-ya.

Sen-u mendek yigitdan

Voz kechdi-ya Zulfiya!

«Zulfiyaga qarama,

Naq enangni ko‘rasan!

Meni yaxshi ko‘radi,

So‘ra, kimdan so‘rasang!..»

 

Aqlli qiz edi-ku,

Hammasini bilardi:

Menga ko‘zi tushganda

Miyig‘ida kulardi. Men-ku, mayli...

Seniyam

Toza ahmoq qildi-ya.

Biz harbiyda yurganda

Tegib ketdi Zulfiya...

 

Kitobimning ichidan

Uchib tushar suvrati,

Sevmaganman men uni,

Abdul yaxshi ko‘radi!

Yirtaman deb suvratin,

Yirtolmayman har kuni,

Sevmaganman men uni!

Sevmaganman men uni!..

 

1988


Online dars - zoom, google meet orqali

Ma'lumot
2017, 11-Iyulda yuklangan

156 marta ko'rildi

6 kishi kutubxonasiga qo'shdi


Tayanch tushunchalar:
ena kaltak dars xayol samo ipak kitob
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari