Sahifa yuklanmoqda . . .


Yodingda qolmoqchi edim

Fuzuliy lutf etib ketgan bir zamon,

Go‘zallar vafosiz, aldoqchi dedim.

Yoningda qolishga yo‘q edi imkon, 

Men sening yodingda qolmoqchi edim.

 

Negadir istardim qiynalishingni,

Yuragingga kamand solmoqchi edim.

Onangga aytolmay qolsang tushingni...

Men sening yodingda qolmoqchi edim.

 

Do‘stlar kechib qo‘ygan edi bahrimdan,

Kimlardandir qasos olmoqchi edim.

Haydab chiqardilar hayotlaridan,

Men sening yodingda qolmoqchi edim.

 

Alamim, hasadim, ginam tufayli,

Ehtimol ustingdan kulmoqchi edim.

Sog‘insang, o‘rtansang, yig‘lasang mayli,

Men sening yodingda qolmoqchi edim.

 

Ko‘zingni ko‘zimga bermading sira,

Ishondingmi, yo‘qmi, bilmoqchi edim.

Seni ko‘p o‘yladim. She’r yozdim qara,

Men sening yodingda qolmoqchi edim.

 

1998


Ushbu she'rni nechta yulduzcha bilan baholaysiz?


Ma'lumot
13-Iyulda yuklangan

76 marta ko'rildi

1 kishi kutubxonasiga qo'shdi


Tayanch tushunchalar:
fuzuliy zamon go'zal vafo imkon
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari