Sahifa yuklanmoqda . . .


Qaram bo‘lmas o‘zbek

Egasiz va oyoqosti yo‘lmas o‘zbek,

Xohlagan suv oladigan ko‘lmas o‘zbek.

Dong taratgan va o‘ziga qaratgan el,

Hech qachon hech kimga qaram bo‘lmas o‘zbek.

 

Vatangado, yurtfurushlar anglamaslar,

Oltinday sof hikmatlar hech zanglamaslar.

Ona hamda Vatanni-ku tanlamaslar,

Hech qachon hech kimga qaram bo‘lmas o‘zbek.

 

Borgan joyin obod qilgan Boburlari,

Mazlumlarni ozod qilgan Temurlari.

Tog‘lardan ham balandroqdir g‘ururlari,

Hech qachon hech kimga qaram bo‘lmas o‘zbek.

 

O‘g‘il-qizlar shiddati-yu shashtini ko‘r,

Birovga bosh egmaslikning gashtini ko‘r.

Yurak bo‘lsa, ringga chiqib mushtini ko‘r,

Hech qachon hech kimga qaram bo‘lmas o‘zbek.

 

Yaratgandan boshqasiga qulmas o‘zbek,

Hech kimdan kam bo‘lmagan, kam bo‘lmas o‘zbek.

Dong taratgan va o‘ziga qaratgan el,

Hech qachon hech kimga qaram bo‘lmas o‘zbek.

 

2005


Ushbu she'rni nechta yulduzcha bilan baholaysiz?


Ma'lumot
2017, 11-Iyulda yuklangan

453 marta ko'rildi

1 kishi kutubxonasiga qo'shdi


Tayanch tushunchalar:
suv ko'l el qaram
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari