Sahifa yuklanmoqda . . .


Kuyganyorda yozilgan she’r

Meni yomon ranjitding,

Sendan qattiq xafaman.

Lekin sendek kuydirgi

Qizni qaydan topaman.

 

Sevgi, sevgi, der ekan,

Sevgi dilni yer ekan.

Qizga mehring berguncha

Muzga bag‘ring ber ekan.

 

Buloqdek qaynab yotsam,

Sochingni o‘ynab yotsam,

Hech kim xalal bermasa,

Ko‘zingni o‘ylab yotsam.

 

Yuragingni kuydirgan

Sevgi – qizilcho‘g‘ ekan.

Yashnar ekan uf tortsang.

Puf deganda yo‘q ekan.

 

Azob chekkin, ataylab

Qo‘lingdan suv ichmayman.

Ko‘ylagimning tugmasi

Botmasin, deb quchmayman.

 

1998


Ushbu she'rni nechta yulduzcha bilan baholaysiz?


Ma'lumot
2017, 11-Iyulda yuklangan

62 marta ko'rildi

0 kishi kutubxonasiga qo'shdi


Tayanch tushunchalar:
qiz kuydurgi sevgi muz bag'ir mehr dil
Muallif
Iqbol Mirzo

Iqbol Mirzo

Iqbol Mirzo (Iqboljon Mirzaaliev) 1967 yil, 1 mayda Farg'ona viloyati, Bag'dod tumaniga qarashli Qo'shtegirmon qishlog'ida tug'ilgan. O'zbekiston halq shoiri (2005). «Shuhrat» medali bilan taqdirlangan (1999).

Batafsil


Yangi She'rlar Iqbol Mirzo She'rlari Iqbol Mirzo asarlari