Sahifa yuklanmoqda . . .


Eski mahalla

(Olis xotira)

Kimdir ot yetaklab o'tar azonda,

uzilar ko'chaning sahargi tushi.

to'satdan ot kishnab yuborgan onda

shoshilib eshikni ochdi bir kishi.

 

Tongda ot yetaklab o'tib borar kim,

qop-qora olovday lovillar yollar.

Kampirlar alanglab quloq soldi jim,

bir seskanib ketdi nuroniy chollar.

1973


Ushbu she'rni nechta yulduzcha bilan baholaysiz?


Ma'lumot
2017, 21-Fevralda yuklangan

293 marta ko'rildi

0 kishi kutubxonasiga qo'shdi


Tayanch tushunchalar:
mahalla xotira ot azon ko'cha sahar tush on eshik kishi tong olov yol kampir chol quloq nuroniy
Muallif
Shavkat Rahmon

Shavkat Rahmon

Hozirgi zamon o’zbek adabiyotida o’ziga xos iz qoldirgan Shavkat Rahmon O’sh shahrida tavallud topgan. Shavkat Rahmon chinakam otashnafas millatsevar shoir edi. U o‘z kayfiyatlarini tasvir etish bilangina kifoyalanadigan shoirlar sirasidan emasdi. U hamisha millat dardini, xalqining armonlarini ifodalashga intilardi. Chunki u o‘z taqdirini, hayotini millatining hayoti va taqdiridan ayri tasavvur etmasdi. U har bir millatdoshining ko‘ngil mulkiga kirib borishni orzu qilib, shu yo‘lda tinimsiz dard chekib yashagan shoirdir.

Batafsil


Yangi She'rlar Shavkat Rahmon She'rlari Shavkat Rahmon asarlari